اَهات الماضى و اَلام الحاضر

ما الذى حدث؟ ما الذى تغير!؟

هل نجحت الثورة ؟ هل تغير النظام ؟ هل تحسنت اوضاع المصريين ؟ هل عدنا على طريق قيادة الوطن العربى كما كنا عندما قادنا الرجال ؟ هل تم احترام الطلبة ؟ هل تم احترام الأنسان فى مصر ؟ هل زاد سعرنا فى بلادنا ؟

الإجابة يا سادة هى لأ ... لأ ... لأ ... الثورة منجحتش .. الثورة اتهتك عرضها بالعربى كده . النظام متغيرش  .absolutely

النظام زى ما هو , الوشوش اتغيرت بس ... السفاح خالد غرابة اللى كان مدير امن اسكندرية , بعد حكم عنتر بن شداد (مرسى) اتكرم و بقى مساعد وزير الداخلية ..اللى كان مساعد الوزير لمصلحة الأمن العام اترقى و بقى وزير الداخلية .. و الباشا بتاع محمد محمود زى ما هو موجود فى مكانه .. رجاله 8 ابريل اللى خرج و اللى لسه مش هيرجع مكانة تانى فى عمله .

الحزب الوطنى كان مسيطر على المحافظات و كان بينحى اى حد تانى... و هو اللى موجودين مش عاملين كده ؟؟ و يقولك مرسي كل الناس ضده !!

اوضاع المصريين ؟ حدث ولا حرج ما بعد الأنحدار .. كله ضايع ..

يقولك مصر مرسى غير مصر مبارك ؟! اقنعنى .. مرسى سحب السفير ( على فكرة هى استدعاة للتشاور مش اكتر ) , المخلوع سحب السفير مرتين .. رئيس الوزراء راح غزة ؟؟ مرسى انتفض لغزة ؟؟

هو بتاع غزة احسن من المصرى ؟؟ هو الدم الغزاوى اغلى من الدم المصرى ؟  حلو انك تقف جنب العرب لكن مش حلو انه ميفرقش معاك دم المصرى !! مصر مش هتبقى مصر غير لما الدم المصرى يبقى غالى زى ما كان قبل ايام المخلوع ..

الأنسان المصرى يفتقد الأدمية فى بلده , و كان لم تحدث ثورة و لا استشهد الألاف مننا و لا اى حاجة ...

اسئله كتير و محدش بقى فاهم حاجة ...  ومن ساعت ما قلنا يا نجيب حقهم يا نموت زيهم ... بنموت زيهم بس ..

بلدى الرأفه بحالنا , بلدى حسى بقيمتنا , بلدى ارحمى المواطن الغلبان اللى عاوز قوت يومه مش عاوز سلطة ولا قصر , الرأفه بطفل لسه هيتعلم يحلم , أرافى بحال الشاب اللى صحبو مات على ايده فى الميدان و قال فيها ايه لم يوم نديكى و هتتعدل و شاف اللى قتل صاحبه برئ و هو بقى بلطجى ... مليش نفس لأى حاجة غير لما احس بقيمتى فيكى.

ارأفى بحاله قبل ان يكرهك ...

الحكومة فاسده كسابقها , الرئيس مقصر كسابقه , التيار الحاكم مستحوذ كسابقه ..

إقالة الحكومة واجبه و على فكرة وزير النقل مش كافيه المخلوع عملها قبل كدة ..
.......
دمك يا مصرى رخيص سايل فى كل مكان
على حدودك على خدودك على القطر و القضبان
و فى العبارة تتاكل او تموت غرقان
دمك يا مصرى رخيص حتى إسأل الأخوان
وغلبى